ساوالی عاشیق رضعلی دن ایکی شعر

چيخميشيدين غم سئيرينه

جانا حئييفين گلمه دي

قاريشدين نادانا گئچدين

سانا حئييفين گلمه دي

 

گؤيلونه سن سالدين هوس

دونيايا بئل باغلادين بس

گوهري ائيله دين شكس

كانا حئييفين گلمه دي

 

ساخلادين نامرد دميني

يئمه دين دونيا غميني

داغيتدين آري جميني

شانا حئييفين گلمه دي

 

چاغير صدق ايلن علي ني

سويله يه نه دئ بلي ني

سن اوخلادين رضعلي ني

اونا حئييفين گلمه دي

 *****

چوخ قيشقيرمه ميمه چايي

آت اولن دير باشين سنين

بايرام دان آلتمبش گئدنده

ال يانديرار باشين سنين

 

باهار اولاندا تئز اوللان

اوزون داشدان داشا وورران

چوخلاريني سن آپارران

آپارماقدير ايشين سنين

 

يوخدور سنين آتا آنان

اولارين حالينا يانان

گئجه گوندوز يوخلاماسان

اوياقليقدير ايشين سنين

 

دونيادا بير تايين يوخدور

ايچيب سندن هامي توخدور

الله بيلير ياشين چوخدور

هئچ كيم بيلمز ياشين سنين

 

چوخ ياشاران هئچ اولمه رن

سن دانيشيب بير گولمه رن

سن رضعلي ني گورمه رن

يوخدور گوزون قاشين سنين

*****

 

 

2 پاسخ to “ساوالی عاشیق رضعلی دن ایکی شعر”

  1. سید حیدر بیات Says:

    سلامبایرامیز قوتلو و یولونوز اوغورلو اولسون.وبلاگین گونجل اولماسی منی چوخ سئویندیردی

  2. مراغالی تورک Says:

    یاشاسین تورک.اولوم اولسون شوونیست لرهبه امید از بین رفتن نژادپرستی در ایران

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s


%d وب‌نوشت‌نویس این را دوست دارند: