دوکتور جواد هیئتین حکیم تیلیم خانین 5 ینجی مراسیمینه مکتوبو

( بو پیغام حکیمین ۵ ینجی توره نینده سایین دوکتورح.م. گونئیلی واسطه سی ایله اوخوندو)

 

بویوک شاعیریمیز تیلیم خانین 5 ینجی آغیرلاما مراسیمی اشتراکچیلارینا

 چوخ ایستیردیم بو گوزل مراسیمده شخصا اشتراک ائدیب سیزلره خصوصا اوز اورک سوزلریمی افاده ائدم. تاسوف کی ایشلریم منه بو ایمکانی وئرمیر. اونا گوره بو مکتوبلا سیزلری تبریک ائدیب بو عزیز گونده هامینیزا سعادت دیله ییرم.

من شخصا تیلیم خانی عزیز دوستوم وارلیق درگیسینین همکاری رحمتلیک علی کمالی واسطه سی ایله و اونون وارلیقدا یازدیغی مقاله لری ایله تانیمیشام. رحمتلیک کمالی اوزو ساوه تورکلریندن اولدوغو اوچون، ساوه و او بولگه نین شاعیرلرینی تانیتماقدا چوخ امک وئردی. او بو بولگه نین تورک دیللی شاعیرلرینی و اونلارین اثرلرینی خصوصی علاقه و دقتله توپلایاراق بو باره ده یازدیغی مقاله لری ایله اونلاری و اثرلرینی وارلیق اوخوجولارینا تانیش ائتدی. اونون یازدیقلارینا گوره تیلیم خان بو بولگه شاعیرلرینین ان قدرتلی سی اولموش. حئییف کی کئچمیشده لاییق اولدوغو قدر تانینمامیشدیر. من 18 ینجی عصرین ایکینجی و 19 ونجو عصرین بیرینجی یاریسیندا(1763-1832) یاشایان بو خلق شاعیرینین شعرلرینی اوخودوقجا اونا سئوگی و سایغیم آرتاراق ارادتیم چوخالمیشدیر. تیلیم خان تام معناسی ایله بیر خلق شاعیری حتی بیر حق شاعیری دیر. او خلق ایله یاشامیش، خلقین شادلیغیندا سئوینمیش و کدری ایله کدرلنمیش دیر. تیلیم خان بوتون وجودی ایله ائلینی و وطنینی سئومیش و وطنی ایران خطره دوشنده هامینی بیرلیگه دعوت ائتمیش و وطنینی مدافعه ائتمگه تشویق ائتمیش دیر.

 سوزلریمین سونوندا اولو تانریدان او مرحوما رحمت و سیزلره خوشبختلیک دیله ییرم.

ساغ اولون

دوکتور جواد هیئت  24/4/87

2 پاسخ to “دوکتور جواد هیئتین حکیم تیلیم خانین 5 ینجی مراسیمینه مکتوبو”

  1. مئهران باهارلي Says:

    سلاموارليق مكتبينين، ييرمينجي يوز ايلين سونوندا ايراندا تورك خالقينين ميللي اويانيشي و اؤزونه قاييتما، تورك ديلي و ادبيياتينين ديرچه لمه سوره جينه گيرمه سينده كسين و بليرله ييجي اوينامي (رولو) اولوبدور. بونو بيز ، دوكتور هئيت باشدا اولماق اوزره، وارليق چئوره سينده توپلانان بوتون يازار و قلمله دوشونجه صاحيبلرينه بورجلويوق. آنجاق منجه بونلارين آراسيندا ايكي آد واردير كي، تكجه گونئي آزربايجان و ايران چاپيندا دئييل، بلكه دونيا چاپيندا دا گئرچه ك آنلامدا توركولوق آدلانديريلمايا حاق قازانيبلار. بونلارين ايلكي دوكتور حميد نوطقي و ايكينجيسي ايسه علي كماليدير. اؤزه لليكله علي كمالينين واختسيز و ائركه ندن آراميزدان آيريلماسي، يئري چتين دولدورولابيله جك بير ايتگيدير. كمالي بيزه تكجه تيليم خانا دئييل، بلكه آزربايجانا قاووشدورموشدور. كمالينين سايه سينده آزربايجان مركزي، همدان، قوم …. اوستانلاريندا يئرله شه ن گونئييني يئنيدن قازانميشدير. او تك كيشيليك بير اوردو ايدي …..

  2. ترک زبانان ایران Says:

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s


%d وب‌نوشت‌نویس این را دوست دارند: