عشق یولوندا مسافر/ الیاس امیر حسنی

حکمتلی سوزلر، ایشیق اورک لردن، روحانی و تانری تانییان انسان لاردان سرچشمه آلیب، دونیا قارانلیغین ایشیقلاندیریب و عشق و محبت دانه سین اکیب ومهربانلیغی بیزلره اورگدیب دیر .

بو روحانی انسان لاردان بیری بیزیم اولکه میزین آدلیم شاعری حکیم تیلیم خان دیر. او یارادان سوزلر گنج و گوهر کیمین سینه لرده گیزلینی دی و هر قدر کی آقای امیری دن تشکور ائیله یک یئنه ده آزدیر کی بو گنج و گوهر لری آختاریب تاپیپ و زیور- طبعه چاتدیریب و منیم کیمین غافل انسان لارا اعلام ائدیب کی اوز دیلیمیز، ائلیمیز، 

آیینیمیز و اولکه میزی یاددان چیخارتمایاق.

دئمک اولورکی بیرینجی دفعه دیر کی بنده اوز دیلیمیزده بو مقاله نی حضرت تیلیم خان پیشگاهینه تقدیم ائدیرم و بویوک اوستادلاردان وحرمتلی عاشیق لاردان و هامی اوخویوب، بیلن، دانیشان لاردان باغیشلانماق ایسته میشم.

هر کیمسه عشق یولوندا مسافر اولا عشق اونون الین دوتوب آپارار خطرلره سالیب و اوزو خطرلردن نجات وئریب و اونون دیلینده اوز وصفینی بیان ائیلر .

بئله کی تیلیم خانی ده مرغئی دن چکیب آپاریب و دونیانی گزدیریب و یئنه ده اوز وطنینده دفن ائدیب دیر .عشق هم کور ائده ر هم گوز آچار. عشق هم اولدورور هم جان وئرر. ائشیدمیشیک کی مجنون لیلی نین سسین ائشیدنده هوشدان گئدرمیش و ساعتلر اوندان سونرا هوشه گلرمیش. هر کیمسه نین عشقی آرزوسو سئودیگی بویوک اولسا اینجیییب اذیت اولماغی چوخلاشیر . او طرفدن لذت آپاریب اسرار-عا لمه ال چاتدیریب و  خبرسیزلری خبردار ائلر .بو عاشق انسان لاردان بیری ده تیلیم خان دیر .تیلیم خان عشق یولوندا دونیانی، مال وجاه و مقامی آتیب و بویوک تانری دان سونرا هئچ کیمسه نی سئومه ییب. مهری عشقی اونو تانری یا چاتدیریب و هر عشقیده کی هوا و هوس اولماسین او عشق تانری یا گرکدیر و بئله دیر کی تیلیم خان بیر بویوک عارف و شاعر دیر. هر کلمه سینده، بیتینده، مصراعینده تانری اییی دویولور. بئله دئمک اولورکی اونون شعرلری عالم -بالادان الها م اولونوب .اگر سوز، سوز اولماسین سینه لرده یازیلیب قالماز اگر سوزده اثر اولماسین گوزدن یاش آخماز. اگر سوزده سوز اولماسین اورکلری آچماز. اگر تیلیم خان، شهریار و چوخ بویوک شاعر لریمیزین سوزلری سوز اولماسا هر یئرده اوخونوب گویه چاتماز .

تیلیم خان مذهبی شعرلرینده تانری دان سونرا ارادتین مسلمان لار پیامبری حضرت محمده (ص) چاتدیریب و اونون وصفینده، منقبتینده قلم دولاندیریب مخصوصا نئچه یئرده پیامبر معراجین وصف ائیله ییب. حضرت -علی (ع) هامی عاشق لرین، شاعرلرین و عارفلرین مراد و مولاسی دیر. تیلیم خاندا او مو لانین باره سینده سوزو گویه چاتدیریب و اونون اولادینه اظهار – ارادت ائلییب .

عاشقانه غزلیاتیندا نه قدر گوزه ل یارین وفاسیزلیغین، اونون نازو کرشمه سین، اونون قاشین گوزون وصف ائیله ییب . بله دئمکاولور تیلیم خاندا دوره صفویه شاعرلری کیمین یاردان شکوه و شکایتی چوخدور. اوزون یار مقابیلینده آشاغا گتیریب و یاردان رحم و مروت ایسته میشدیر. اوطرفدن دونیانین بی اعتبارلیغیندان بی مروت انسان لاردان ناله سی قاوزانیب دیر .بوردان مراتب – زهدی گورسنیر .

و هامی بیلیر کی تیلیم خان خاندانی قاپیسی آچیق، سفره لی و قوناقلی بیر خانواده ایمیشلر و مال و مکنت لری چوخوموش اوجورکی خلف لری ده بابا یولون گئدیب قوناغا چوخ احترام ائدرلر .

وجود نامه شعرلرینده تیلیم خانین عرفان مراتبی گورسنیر. حتی انسانین سوموک لرینین سایین بیلیب قلمه گتریب و بئله گورسنیر کی آیات -قرآنی اوخویوب بیلیب حفظ ائیله ییب و ترجمه سین شعرلرینده بیان ائیله ییب .بئله دئمک اولورکی اوجور کی آقای کمالینین نظری واریمیش تیلیم خان تورک دیللی شاعرلرین هامی سینین بویوگو دور. حقه باخان بیلر کی اراک منطقه سینده تورک شاعرلرین قطعا هامی سینین بویوگی دیر اگر کل -ایرانی دییه بیلمه یک.

سوزومون سونوندا هامی کیمسه لردن کی بو عزیزله مه نی بو بویوک شاعره دوتوبلار تشکور ائلیرم و تمام عاشیق لردن مرغئی لی لردن و تمام اولار کی بو مراسیمده حضور وارلاری و آقای امیری دن کی منه ده فرصت وئردیلر بو مقاله نی اوخویام تشکور ائلیرم .

ای تیلیم خان

ساوانین، نوبرانین، قاراقانین و تمام تورکلرین افتخاری سن .چخ حئییف اولسون کی سنی گئج تانیدیق.

چوخ حئییف اولسون او قوجالارا کی سنین شعرلرین سینه لرینده توپراق آلتیندا دفن اولدو. چوخ حئییف اولسون دکتر علی کمالی یه کی سنین بارنده آرزولاری سینه سینده دفن اولدو. یئنه سنین شعرلرین اوجا اوجا اوخویوب داغا داشا سالاریق. یئنه سنین سوزلرین قاپیلار اوسته هامی یئرده یازاریق. سوزوم توکنن موقع حضرت علی (ع) دوغوم گونون، بابالار گونون هامی علی سئونلره تبریک دئییرم .

منابع:

۱-حکیم تیلیم خانون دیوانی /بیرینجی جیلد /توپلایان مهندس اسدا… امیری

۲- نئچه مقاله اینترنتده

(بو مقاله حکیم تیلیم خان بئشینجی قورولتاییندا اوخوندو).

2 پاسخ to “عشق یولوندا مسافر/ الیاس امیر حسنی”

  1. عاشق حسن دژم Says:

    سلام چوخ گوزلدي . ساقول

  2. الیاس Says:

    سلام آقای امیری ساغ اولون چوخ زادلار سیزدن اورگندیم .

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s


%d وب‌نوشت‌نویس این را دوست دارند: