آشیقلار بایرامی/ اسدالله امیری

اولو تانری آدی­ایله

آشیقلار بایرامی

30/آغلارگولر(فروردین) آیی/1388

زنگان/ آزربایجان/ایران

بازار گونو 1388 ایلین آغلارگولر آیینین 30وندا زنگان­دا قورولان دوردونجو آشیقلار بارامینا قاتیلماق منه­ده نصیب اولدو. بو توره­نه آزربایجانین بعضی بؤلگه لریندن اوستاد آشیقلار قاتیلمیشدیلار: اوستاد آشیق حسن اسکندری، اوستاد آشیق مسلم عسگری، اوستاد آشیق دهقان، اوستاد آشیق غفار ابراهیمی و س. تاسف­له قوم-ساوا-همدان محیطین­دن قاتیلان آشیق اولمامیشدی. من­ده آدی گئدن محیط­دن بیر تمثیلجی کیمی چیخیش ائدیب و حکیم تیلیم­خانین بو شعرینی اوخودوم:

عتبه­یین داشینا من باش قویدوم

دوستاغییام سال بوینوما مین باغی

عشقین دفترینین حسابگرلری

گتیریبدیر گردنیمه مین باقی

 

گؤیول سئومز هر بیر گؤزه­لی چیندن

گتیرسه­لر یوزمین گؤزه­لی چین­دن

سنی سئودیم یوزمین گؤزل ایچیندن

بولبول گزر بیر گول ایچین مین باغی

 

شیکار گلیر بره­سیندن یار آشماز

کامیل اولان اؤز حددیندن یار آشماز

بیر گؤنوله ایکی سئوگی یاراشماز

باغبان سالا البت اولور مین باغی

 

زیندگانلیق توسنینی مینه­سن

سن بو ایلی یئتیره­سن مینه سن

یار صدرینده دویمه دوزدور مینا سن

گول جامه­یه یا نصب ائیله مین باغی

 

عندلیب تک معتقد اول گوله سن

تیلیم شاید شاد اولاسان گوله­سن

مطلبییی تشبیه ائله گوله سن

نه ضروردور دولاناسان مین باغی؟

یک پاسخ to “آشیقلار بایرامی/ اسدالله امیری”

  1. مئهران باهارلي Says:

    سلام. چوخ بيلگيله نديريجي بير خبه ر و يازي ايدي. يازينيزدا منيم ديققه تيمي چكه ن بير نوقطه وار. ديييرسينيز «بو تؤره نه آزه ربايجانين هر يئرينده ن اوستاد آشيقلار قاتيلميشدي» و سونرا آرتيريرسينيز » تاسسوفله قوم-ساوا-همه دان موحيطينده ن قاتيلان آشيق اولماميشدي». بو ايكي جومله بير بيري ايله توتمور، اگه ر ساوا- قوم و همه داندان قاتيلان اولماميشي ايدي سه، دئمه لي آزه ربايجانين هر يئرينده ن قاتيلان اولماميشدير، چونكو ساوه-قوم-همه دانين تورك بؤلگه له ري آزه ربايجانا داخيلدير.سيزه باشاريلار و اوغورلار ديله ييره مسايقيلاريملاسلاملاردیققت و بیلدیرینیزه گؤره ساغ اولون.گؤزوم اوسته. یئرینه یئتیردیم.

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s


%d وب‌نوشت‌نویس این را دوست دارند: