حکیم تیلیم خان و تورکمان محموددان نئچه شعر/ اسدالله امیری

حکیم تیلیم خان:

۱

فضل و فضيلتين خياله گيرمز

قاليبدير سرگردان عاشيق- شئيدا

ائيله­مز پئيدا

 

پيدا همين بودور عدم ده گيلسن

غرق-تفکرم اولماي هويدا

دئمک اولماز لا

 

لا دئييلمز عالم دولو فيکيردير

سبحان بير دير بو ظاهر و باطن دير

بو نئجه صنعت دير بو نئجه سيردير

بي پرگار دولانير چرخ-معلا

اولوبدور برپا

 

برپا ائتدين نئجه اي نور-مطلق

يئري يئددي گوگون اوسته معلق

کتاب-فضليندن بير ربع- ورق

مقدور اولماز اوخوماغي موجودا

کيم ائيلر جدا

 

جدا اولماز ذره کار گردونون

نار جنت تقوا ابليس دونون

خلاصه کلام کن فيکونون

قرار وئرمک اولماز سنه ابتدا

يا غير ادا

 

اداي قدرته عقل قاصردير

بير باشدا تلخ ترش و شيرين و شوردور

نه پاييز  ياي باهار نه زمحريردير

احسن هواسي جمع اي زهي صودا

هميشه دودا

تودادور دولانور اساس دور قائم

نه اول دير نه آخيردير نه دائم

تيليم دئيه­ر نه پئيدا دير نه نائيم

زهي قدرت زهي سبقت اي خدا

جان سنه فدا

 ۲

 

«بسم الله» اوخودوم «رحمان الرّحيم»

«انّا انزلناه في ليله القدر»

حق نازيل ائيله دي قدر گئجه سي

«وما ادريک ماليله القدر»

 

مين آيه برابر شب-قدردير

غير-شب ده اولدوز اولسا بدر دير

او گئجه نين آدي شب-قدر دير

صلّ علي شرف-«ليله القدر»

 

«خير من الف شهر» من » تنزل»

الملائکه و الروح » ملک لر دليل

«فيها باذن» قدرت-خداي جليل

مکمل چارده مثل-ماه-بدر

 

«ربّهم» ورد ائيله چکمه يه سن زجر

«من کل امر» اوخو تا تاپاسان اجر

«سلام هي حتي مطلع الفجر»

هر گئجه دن زيياده دير اونه قدر

 

به حرمت-ائمه دو جهانه شاه

ذرّه کرمييندن  احسان ائت الله

تيليمين عرضين ائت قبول-درگاه

تير-اجابته هدف اولسون صدر

۳

هر نادانينان معرکه

قورونجا قورماسان يئگدير

گوهري سنگ-خارايه

وورونجا وورماسان يئگ­دير

 

دري­لر گيرمز مزاره

صد غنيم اولماز هزاره

مطاعين کساد بازاره

ساتينجا ساتماسان يئگ­دير

 

صرافدان ايسته داناني

آشنا بيلمه بيگاناني

فتنه انگيز نشاناني

وورونجا وورماسان يئگ­دير

 

کاميل عقلين گرک سرده

گستاخ دولانما هر يئرده

حورمتين اولمايان يئرده

دورونجا دورماسان يئگ­دير

 

گوٍل رفيق ائيلمز خاري

تيليم قورما بو پرگاري

حلال اولمويان شکاري

وورونجا وورماسان يئگ­دير

۴

اساسا یئتنی کرم ائيله ييب

او مجمع اونیی او لنگريدور

صراف دگيل هاردان سرانجام ائديب

بيزه لوطف ائيله ييب او لنگريدور

 

هر مردلرين قاپيسينا يئري سن

اؤزون اوچون آچگينان بير يئري سن

مجليسلرده تانيگينان يئريي سن

دئمه سينلر کي سن اولان گري دور

 

قدمين باس ارکانه سن يولا سن

نولار مگر پر و بالين يولا سن

هر کيمينن گئدر اولسان يولا سن

ساليب گئدمه دئسين او لنگريدور

 

هر کيم تانير آی اصليني آفرين

اونا يوزمين آفرين و آفرين

سخي اول سن گؤرن دئسين آفرين

دئمه سين قيتميردن اولان گري دور

 

مردين دامانينه چال سن الي سن

آياق چکمه گر دوتماز سن الي سن

مقيد اول “تئليم” چاغير علي سن

زمين و آسمان او لنگريددور

۵

مکرر ائيله بسم الله

نام- سبحانه يازموشلار

ابتداي- کلام الله

ازل قرآنه يازموشلار

 

نبوت گؤنده­ردي کسمين

ختم–نبي قيلدي رسمين

محمد مصطفي اسمين

طاق-آسمانه يازموشلار

 

بيل وکيل- کارخانه­ني

دئيه­رلر شير- يزداني

اوخو انّا فتحناني

شاه- مردانه يازموشلار

 

اوخورلار لؤلؤ المرجان

اَلخلق الانس و الجان

الرّحمن علّم القرآن

ذکر- خضرانه يازموشلار

 

تميز وئرن خِيره شره

منصب وئرن هر بشره

تيليمي اربع عشره

کلب- آستانه يازموشلار

 

۶

فضل و فضيلتين فرق ائتدي عارف

فعيلاً فاعلاً ائيله دي شفّاف

فاضل-افضل سن فرشته معروف

فيض-تکلّوفون مانند- رفّاف

 

فاعيل مفعول چشم-رديفي دو رف

فوج فوج مژگانين شکاف-هدف

فرد صحيفه افلاک-صدف

فلک تعريفييه ائيلمز کفاف

 

فصيح گفتار کليد شفه لرين قلف

فنجان فمينده قند اولي صاف تلف

فلفله مشابه مشک افشان زلف

فشار افشورينه گرکدير لفاف

 

فغفور نزاکت صرّاف-شرف

فيض-رفعتيدير صفايه اشرف

فصيل فصيل گروه گروه صف به صف

فقاره(فقرا)وافره احسان ائت رفّاف

 

فرمانفرمائي يه فرح اولور کيف

فسانه مفلسه قلمه حيف حيف

فال فرخنده سن ضعيف تيليم ضيف

فرد اصفاک اولما مهمانه صفاف

۷

کشتي شکسته لردنم

دوشموشم درياسينه من

چيخاره بحر-عوصياندان

اوٍميديم غوّاصينه من

 

دريندن وورابيلمنم(وارابيلمنم)

ايسترم گؤره بيلمنم

يادا يالوارابيلمنم

اوٍچَرم هواسينه من

 

مودام همنشينيم غمدور

خيلي مهربان همدمدور

گئدرم مطاعيم کمدور

بازاريي رواسينه من

 

آرارام سنين تک هادين

ايکي جهانين اوستادين

هر کيمسه سؤيله سه آدين

جان وئررم نواسينه من

 

دليرو صفدر- حربان

بيت-کبرياده دربان

جان و باش ائيلرم قوربان

تئليمين آناسينه من

تیليمين آتاسينه من

۸

گؤزلريمدير جيلوه گاهي سئيراني

جان اوٍستوندن گئچر يولو مهرينين

سياه زوٍلفدن بير نيشانه ايسته ديم

نيزار اولوب ساغي سولو مهرينين

 

ليلاج کيمي غمزه سالدي اويونه

سرو ريحان دئمک اولماز بويونه

بهار اولي صحرا سبزه گئيينه

يول سالا يئيلاغا يولو مهرينين

 

چاه-زنخداني زندان-مروي

اگيبدي قامتي شمشاد-سروي

خجل ائديب عندليبي تَزَروي

فصيح دانيشاندا ديلي مهرينين

 

تا باخينجا جان بدندن اوٍزولور

شيدائي عاشيقين نقشي پوزولور

دانيشاندا شهد و شکر سوٍزولور

ديل دوداق اوٍستوندن بالي مهرينين

 

اوندا ظاهير گؤردوم عشق علامتين

مژگان-خونريز و ظاهر و باطن

تيليم تک مريضه لقمان افلاطين

صدرينده روممان-کالي مهرينين

 

تورکمان محمود:

مالک ملک و ملکدور حاکم الاحکام‌دور                 واحد و معمار عالم آمرالدهر و امور

داور و دادار و دادرس‌دور دادگر                        کردگار ماسوادور ماه و مهر و مار و مور

*****

هوس گر قيلسه هر کیمسه

گتير ميدانه بسم الله

سکندر سدّي تک چيخسين

قاباق مردانه بسم الله

 

بو خبگر هر کسي گلسه

سخندان و دلير اوْلسه

اؤزون آهو صيفت بيلسه

اوْلوز ديوانه بسم الله

 

اوتورماسا اگر سنگين

اوْلور ائل ايچينده ننگين

سخن تيغين ائدر رنگين

باتارآل‌قانه بسم الله

 

نوش ائدر زهر-ترياکي

تؤکر باشينه هرخاکي

باتار بحر-غمه ياکي

دوٍشر طوفانه بسم الله

 

اوْلوبدو يخشي چون مسعود

سئويليب قلبدن محمود

ائدر حق دوٍشمنين مفقود

شه-مردانه بسم الله

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s


%d وب‌نوشت‌نویس این را دوست دارند: