مرکزی اوستانین شاعیرلری- شعرای استان مرکزی(اراک)

 

مرکزی اوستانین شاعیرلری تانینماقدادیر. بو استانین مرکزی اراک اولماقلا چوخلو تورک شاعیری آزربایجان و ایران ادبیاتینا سونموشدور. بونلارین خان شاعیری حکیم تیلیم خان اولموشدور. تانری یا شوکورلر اولسون کی بو بؤلگه نین گرچک وارلیغی بالا بالا اوزه چیخیر. شاعیرلری تانینیر، موسیقی و آشیقلاری تانینیر و معنوی میراثیمیز اولان قیزقلعه لر، قیرخ قیزلر و … اؤزلرینی تانیتدیریرلار. ائله بیل بو بؤلگه نین شاعیرلرینین شعرلری چاپ اولماغا باشلاییب: آشیق رضعلی، تورکمان محمود، خونداپلی مهجور، اکبرخان رزاقی، حاج علی سیفی، براتعلی فتح الهی نین شعرلری یولدادیر. بو بؤلگه نین قوزئی و گونئییندن اولان ایکی شاعیردن ایکی شعر عزیز اوخوجولارا تقدیم ائدیلیر:

۱ – خونداپلی مهجور:

باد-صبا عازم سن بیزیم دییارا
بیر زامان صبر ائیله برای – خودا
خودا ریضاسی سن شتاب ائیله مه
بیر عرضیم وار سنه من – موبتلا

من – موبتلایه شیکسته دله
باخ گؤزوم یاشینا تررحم ایله
سفرایله گینن سن بیزیم ائله
شرح ائت بو سؤزلری به صوت و نوا

نوای خوشونان شیرین دیلی نن
کمالینان، ادبی نن، یولی نن
دانیشگینان اولوسونان ائلینن
سؤیله گؤردوم بیر غریب- بینوا

بینوای -دل شیکسته خون جیگر
گؤیلو غملی، گؤزونملی، در به در
هیجران آتیشینا یاناردی مگر
شیدا بولبول کیمی چکردی صیدا

صیدایینان دئییردی زار و رنجورام
ائل دی آیری من خوندابلی مهجورام
وطندن اوزاغام، مسکن دن دورام
نه شوم گونده یارانمیشام ای خودا

بو وبلاگا گؤندرن: آشیق گونش(علی رمضانی)

*****

 ۲- اکبرخان رزاقی( ساوانین قاراقان بؤلگه سیندن):

بیر عدّه نون غذا وارودور اشتهاسی یوخ

بیر جمع اشتها واری امّا غذاسی یـــــوخ

بیر قوم وار دواسی وار امّا دگول مریض

بیر زمره وار دردی وار امّا دواسی یوخ

بیر طایفانون آپارتومانی آسمان خراش

بیر کسده واردی بیر دانا قوش جک لوواسی یوخ

بیر تیپ وار هر بیرینون بیر سواریسی

بیر کنده وار اون ائولی سینون بیر سوپاسی یوخ

بیر شخص وار حمام یئریسی مین تومن دگر

وار بیر نفر حمامه گئدنده فیتاسی یوخ

بانک ائتمیری قبول پولونون بیر پاراسینی

بیر کسده وار جیبینده اونون بیر پاپا سی یوخ

یوز جور لباس فاخری وار دور بیریسینون

وار بیر نفرده گیمگه بیر بز لباسی یوخ

اشراف وار دور قالینی انبار ایلیوب

بیر کارگر ده سالماغا بیر بوز پالاسی یوخ

ارباب واردو بؤرکی دگر مین دلاره لیک

بیر فعله بورکنون پاراسی وار پاراسی یوخ

بیر مرد واردو کشتی- شخصی سی وار مینر

بیر شخص وار پیاده دور و کفش- پایی یوخ

بیر دسته وار سخی دی ولی یوخدی ثروتی

دارا دو بیر گروه ولیکن سخاسی یوخ

چوخلاری دفن اولماغا یوخ بیر قریش یئری

املاکونون بیر عده وار انتهاسی یوخ

تخت زر اوسته ناز ائله بیرمرد اگلشوب

بیر مرد قیل پالاسی وار آما آراسی یوخ

وار بیر خانوم سالوب باشا زربفت چادری

آرواد دا وار دو چارقدینون اوچ گشاسی یوخ

بیر قیزدی باشلوقی ایکی یوز مین تومن دگر

بیر قیزده واردی آلتی تومن شیر بهاسی یوخ

بیر آروادون حناسی وار اما باشی کچل

بیر آروادون اوزون ساچی واردو حناسی یوخ

بیر پیر واردی دورت خانومی عقد ایلیوب

وار بیر جوان دا بیر قری آرواد صیغاسی یوخ

ارباب وار تملق ائدر دشت بانلارا

درویش واردو شاهه اونون اعتناسی یوخ

بیر کند آلتی ائولیدی بئش کدخداسی وار

بیر جوم شده یوز ائولیدی بیر کدخداسی یوخ

عامی قولاغی وئر ائشیدوب آل ائشیدمیوب

ملاده لیک وئر منه واردو آلاسی یوخ

القصه شادانا واری هرکسیی دیشی یوخ

برعکس هرکسون دیشی وار شاداناسی یوخ

رزاقی یه حقارت ایله ایلمه نظر

چوخ شاعر- گوزلدی ولی اسکناسی یوخ

قایناق: الیاس امیرحسنی وبلاگی

 

یک پاسخ to “مرکزی اوستانین شاعیرلری- شعرای استان مرکزی(اراک)”

  1. ارسلان میرزایی Says:

    سلامسیزه ساغلیق چوخ گؤزل ایدی فایدالاندیم

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s


%d وب‌نوشت‌نویس این را دوست دارند: