حاج اکبرخان رزاقی و»گلزار حسینی» کیتابی

 

گلزار حسینی کیتابی ۱۳۶۲ گونش ایلینده سات(سازمان انتشارات تیلیم) طریقی ایله و رحمتلیک دوکتور علی کمالی نظری آلتیندا یاییملانیب دیر. بو کیتاب  رحمتلیک اکبرخان رزاقی نین(۱۳۶۸- ۱۲۹۹، ساوانین قاراقان بؤلگه سینین میصیرقان کندینده دونیایا گلمیش و همان کندده وفات ائتمیش. مزاری دا میصیرقاندادیر) مذهبی شعرلرینی احتوا ائدیر. کیتاب علی کمالینین اون سوزو ایله باشلانمیش و دوش وورما نوحه لری، زبانحال، بحر طویل و باشقا مذهبی شعرلرله سونا چاتیر. کیتاب، شاعیرین اؤز ال یازما خطی ایله یازیلمیش دیر. کیتابین سونلاریندا یازیلان تاریخ ۲۶/۵/۱۳۶۲ قید اولونوبدور. بو کیتابدان اکبرخان رزاقی نین همدانلی فانی نین بیر شعرینه جواب شعریندن ایکی بندینی عزیز اوخوجولارا سونوروق. (گیومه ایچینده اولان بندلر همدانلی فانی دن دیر):

فانی همدانی نین مخمسینه جواب وئریلیب:

«محبوب دل حضرت خیرالبشرم من    زهرا آنا حیدر آتا والا گوهرم من

شه­زاده­یم و شه­منش و شه­سیرم من     بیر کوکبم و تابش- ایکّی قمرم من

من بیر گوهرم ایکّی گوهردن اولا مشتق»

ای مهر قضا شوکت و وی میر موفق  شمس فلک عزّت و رفعت سنن الحق

ایجاد اولونوب خاطریوه کلّ مخلّق      رأیینله گزر دور قمر طاقمطبّق

یئتمز حد اجلالییه تحقیق محقّق

«آیا تانیمیرسیز منی دارای زمانم؟      بو کالبد هستی­یه بیر جوهر جانم

من باعث ایجادم و من قلب زمانم        من مشی قضا ئ قدره حکم روانم

اکسیر حیات ایچره منم قوه زیبق»

بیللم سنی سر حلقه و قوم سعداسن       آئینه حق سرور کل فضلاسن

مومن­لر و مسلم­لر  ایچون راهنماسن    محشرده شفاعت علمین شقه کشاسن

امرین ایله برپادی بو نه چرخ مطبق

یک پاسخ to “حاج اکبرخان رزاقی و»گلزار حسینی» کیتابی”

  1. الیاس Says:

    سلام چوخ ممنون آقای امیری اگر کند ه گله لر یواش یواش اصالت لری یاد لارونا دوشر . ساغ اولون

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s


%d وب‌نوشت‌نویس این را دوست دارند: