ساوالی دده تیلیم خانین مذهبی شعرلریندن/ آشیق گونش(علی رمضانی)

بو ده یرلی عاریفین  بو گونه قده ر الده ائدیلمیش اثرلری نین دیقه ته لایق حیصه سی آللاهین وارلیقی،ایسلام دینی،اونون اوصوللاری،شخصییتلری،قورآن مجیدین بیر سیرا کیچیک سوره لری،قیامت،بهشت،جهنم،معراج نامه،دشت – کربلا،خلقت نامه، شکییات وسهویات نماز،ودینی ومذهبی مسئله لره حصراولونموش اثرلردیر

شاعیرین ووطنداشلارینین ایسته یی وطلبی،هابئله تقییه اساسیندا قلمه آلمیشدیر.

دده تیلیمین یاشاییب یاراتدیغی دؤور حدودا ایککی یوزبئش ایل بوندان قاباق دیر. دده تیلیم اؤز زامانیندا حضرت علی .ع.نین نهج البلاغه سی،قصارکلماتی ودیوانینی اوخویوب،واونون اصیل معنادا کیم اولدوغونو ونه دئمک ایسته دیگینی یاقچی باشا دوشورموش،وبیلیرمیش اینسان قابیل ترقی وشعورلو وگله جه یه باخمالی دیر،خورافات اسیری اولمادان حیاتلا آیاقلاشیب ایره لی گئتمه لیدیر.بیرطرفدن دده تیلیم ایمام حسین.ع. باره ده عاوام خلق داخیلینده اولان مراسیملر،ایشلر وتصورلری موشاهیده ائدیر،دیگرطرفدن اوایمامین اثرلرینده( لنقل الصخرمن قمم الجبال  احب الی من منن الرجال) کیمی مردکیشیلره خاص معنالی بئیتلری اوخویورواونون یوکسک شخصییتینی وایجتماعی هدفلرین گوره رک عاواملیقدان بئزار اولوردو

دده تیلیم خان ایشاره ائدیر حضرت علی.ع. بویورور ایسته سم سودان سیزه ایشیق وئررم وایمام جعفرصادیق.ع.ین ایجتماع,عایله،فیزیک،شیمی،نجوم وسایره مختلیف علملرباره ده،اوروپادان چؤخ چؤخ قاباق لار یازدیقلارینی اوخویوب واونون بویوک نابیغه اولدوغونا همده ده رین علمی وبیلیگینه اینانیرو……….

بونا گوره دده تیلیم خانین نئچه مذهبی ،وایمام لارین وصفینده دئدیگی و…. شعرلریندن عزیز رطنداشلاریمیز ودیلداشلاریمیزه تقدیم ائیله ییره ک:

۱

سید المرسلین نبی – اؤممی

باشین ایچون، منه بیرسال نظرسن

افسرده ایام کساد اولموشام

منیم ایچون رواج ائیله بازارسن

                   …………………………….

به حؤرمت – چهار کیتاب و قورآن

به حؤرمت – ملائک ،پری و اینسان

به حؤرمت – جمع – جمله سواران

لوطف ائیله سن صحت، آپار آزار سن

…………………………………..

هئچ نبی ده اولماز بوطور و طرزین

حؤکم اولدو اؤممته سننت و فرضین

قورولدو خالقه ائتدیگین عرضین

گر ایسته سن جهنمی پؤزارسن

………………………………..

حسنین حؤرمتی ایچون ای آقا

سواره سن نظر ائیله آیاغا

دولاشیبدیر منه باشدان آیاغا

لوطف ائیله سن، غم نخینی اوزرسن

………………………………..

باغیشلاسن آل – عبا پنجینه

غرق ائیله سن رحمتی یین گنجینه

درمان ائیله سن تیلیمین رنجینه

والله باشین ایچون ،کیمییا زرسن

……………………………….

 ۲

( آدینی قشمشم ائدن،بوغان بند – بربری)

اظهارائیله ین نصیره،جمجم ا بن – کرکری

شاگرد- خییاطه وئرن،سنگیدن میس اینن زری

آدینی قشمشم ائدن،بوغان بند – بربری

قطاری سائیله وئرن،حؤضه سالان قنبری

شب – معراج نبی دن آلان اؤل انگشتری

…………………………………………

سابیق از ارض و سمادن اخینی قیلدی رام

خالی از خلق – جهان عدم ایدی صبح وشام

آیی نان ،گون کوکبانلار،اولماسایدی صاف نیظام

ظاهیردی یئکه سوار مرشد- هر خاص وعام

وار ید علی اعلا کؤل له ارنلر سروری

……………………………………………..

اوول آخیر نبی یه رهنما ، یول گوسترن

آق دئوین بندین ووران،شیطانی چالیب قیرن

دشت – ارژنده سرو؟ سلمانه نرگیس وئرن

هایخیریب اختردن اؤل شمسی گئری دونده رن

دؤورد کیتابین کاتیبین تفسیر ائدن ازبری

……………………………………..

شب – معراج نازیل اولدو ملائکه هرنه وار

گلدیلر بوراق، رفرف چون رسول اولدو سوار

یئددی طبق اون بئش حیجاب طی قیلدی اؤشهریار

قاب – قوسین ادناده  میزبان و پرده دار

فردا وئردی نگین و سیب مات ائدیب پیغمبری

…………………………………………..

لحمکه لحمی جیسمی، جیسم  سن آخی پیغمبره

پیشوا سن انس وجن دیو و پری ملک لره

دانلا محشر حشرگونو ساقی اولان کوثره

ذره لوطفون شامیل ائت سن تیلیم ه کمتره

بیرجه کلب ام، تانیمیر غیر – دریندن دری

………………………………………….

۳

( مدینه دن عازیم اولوب وطنی کوفه قیلن)

جانین ضرره وئرن سورا ایشاره قیلن

حق یانیندا قؤلی بوتون عهدینه وافا قیلن

اؤزون قضایه وئرن قدرین اخلافه قیلن

قوربان قبول درگاها ذبیحی قضا قیلن

مدینه دن عازیم اولوب وطنی کوفه قیلن

…………………………………….

آتا یوخدور یانیندا  یاخاسین چاک ائیله سین

قارداش یوخد.ر یانیندا اؤزون هلاک ائیله سین

آنا یوخدور اوزونون غوبارین پاک ائیله سین

جددی یوخدورآغلاسین باشینا خاک ائیله سین

ای بیچارا  باجی لار جؤر ائیله جفا قیلن

مین جانیم اولا صداق یولویا ارکانی یا

صد هزاران آفرین شوکتی یه شانی یا

مین دوققوز یئتمیش ایککی اؤخ توخوندو جانی یا

گلنلرین خرجی چؤخدور ،شاه سنیی آستانی یا

اؤممته قوربانلیق اولان محشرده شفا قیلن

………………………………………….

یئتمیش ایککی نوجاوان قتله گئتدیلر تامام

گون توتولدو تاریک اولدو صبح دا اولدو میثل – شام

قویمادین سن اؤممته طاقت و صبرو آرام

گویا شاه بس سن چون حاصیل اولدو دل کام

ای میدان – شهیداننه ذوق ایله صفا قیلن

……………………………………………….

سرثانی محشر سن یازیلیب کافر دینه

صدهیزار جان فدا اولسون سن تک میدان مردینه

عالم موشتاق صورته، اوزون، آستانین گردینه

سندن غیری هانی لقمان؟ درمان ائده دردینه

تیلیم خان کمتره سن بس ایسته شفا قیلن

………………………………………………..

۴

( جبنین آسمانین چون سجاقی دور)

اوراق شکینین مصدری سن سن

جبنین آسمانین چون سجاقی دور

کیمده واردیر شجاعتی ائیله ردین

هر ربع سکونین اعترافی دور

…………………………………….

قشمشم آد قویوب بوغان بربری

مهد ایچینده ایککی بولن اژدری

بیر ضربت ده دؤللا ائدن عنتری

معاذالله دئمک اولور لاعئی دور

…………………………………

نهیبیندن دوندو شمس اینن ماه

بحر وبر سیررینه سن سن آگاه

کیم نهی ائدر حؤکم قیلسه اگرشاه

نهر تصریفینی قافدان قافی دور

………………………………….

کاتیبی سن دؤورد کیتابین هرخطین

گشاینده ششدری اولا چتین

کیم نه بیلرمخلوقیدور طینتین

نور- تجللا سن الب ساقی دور

……………………………

حسین دامانینی وئرسن الیمه

اربع عشر شامیل اولسون حالیمه

ذرره لوطفون احسان ائیله تیلیمه

کفاف ائیله رشاها نچون کافی دور

……………………………………….

۵

( نوقطه سیز شئعر لریندن)

لامع دهردور اسم – محمد

ملک لر سماده سوؤلللر درود

درودسؤلردم هادم دم ملک دم آدم

درود سؤلللر داووده حدادلر دمادم

دلده ورداولور درود محمده دمادم

 

سوار اول امام ودود

 

عمامه طلادور مرصع کمر

اسعدومسعودودوراؤل گول احمر

احمر گول دور دالدا دور

اؤل طرره لردالدادور

وارما مکروه درلره

مردودگورر دالدادور

هؤروک هؤروک مسلسللر دالدادور

راه عطالر اولورلار حسود

 

محرم کؤل دور اؤل دؤر-والا

گه طاووس –سما گه اولور لالا

لاله اولور صحراده

گل وارالوم صحراده

آهولار گال اولارلار

اؤکوهلاردا صحراده

مارال اگر سرگولسه

صدا سالورصحراده

ماه رولر سکلدی صحراده

سرگم دی وارمکه هر راه مسدود

 

صد ده ساطوردواؤل حور-ارم

کار-دلدار اولور سراسر الم

الم لره ام اول سا

املر دمادم اول سا

وصل دلده کم دگول

اؤل حسودلارکم اول سا

دل آرام اولور مدام

دلداره همدم اول سا

هم وصل اولور هم دلدار

دل آرام همدم اول سا

اولور هر وعده سروره موعود

 

طلمه کم دگول مهری کم دلدار

دلدار گرک اولا محرم – اسرار

اسرار گرک اؤ دمده

آل ورده اؤ دمده

اؤ دلدور ارم اؤدور

کلسه اولسه اؤ دمده

ملول اولم کلومده

حورارم ملک اول سا اؤ دمده

اؤ عالمده دگول کم اولور سعود

………………………………………..

۶

( شکییات – نماز)

گئجه گوندوز ذکر ائیله رم خودانی

ایسم – شریفینین مین بیر آدی وار

گورکی نیشان وئریب اللی بیر راهی

بیزیم تک بنده یه نه احسانی وار

………………………………….

ارکانی گربیلدین گل شککییاتا

چؤخ کیمسه بورادا دنگیزه باتا

بلکه سن یئته سن ذات – صیفاتا

گاهدان واجیباتین بیربیله نی وار

…………………………………..

شککییات قسمینین صحیح سی هشت دیر

هرکیمسه بیلمه سه نامازی پوچدور

هرچنداؤرگنمه گی خلقه یوققوشدور

اونو اؤرگه نین عقل  – کانی وار

……………………………………

بیله بویوروبدور اوستاد- کامیل

بیرینن ایککی نین ایچینده باطیل

سیندیرسین یئنگی دن باشلاسین عاقیل

خییال ائیله مه سین کی نوقصانی وار

…………………………………..

ایککی ایلن اوچده بعدازسجده لر

بنانی قوی اوچه سن ای برادر

نامازیندان سورا رکعت – دیگر

احتییاطاء ایستر حدیثانی وار

…………………………….

دور سه وچهارا ائیله گی نن گوش

گله سجده لردن سورا عقل و هوش

بنانی دؤورد ائیله ائتمه فراموش

موجتهد سوزونون نه یالانی وار

……………………………………

بنانی دؤورد ائیله وئرگی نن سالام

اوندان سورا ایککی رکعت با قییام

ایککی ده نیشسته ائتگینن تامام

بو مکانین بیله بویورانی وار

……………………………….

ایککی ایلن دؤوردون قولون گورگونن

سجده لردن سورا بنا قوی گینان

دؤورد ده ده سن اؤ دم سالام وئرگینن

اونون ایککی رکعت ترجمانی وار

…………………………………….

اگر شک ائده سن سه و چهارده

قییامدا ، قنوت ده ،یادا هر یئرده

گئنه بناسینی قویگینان دؤورده

اینتهایه یئتیر هر قیلانی وار

………………………………

بیر رکعت ده ایستاده نی بیلگی نن

یا ایککی نیشسته ایستر قیلگی نن

تفاووتو یوخدور کامیل اولگی نن

بو قؤولو قویانین ایمتحانی وار

……………………………

شک – چهارو پنج اوچ دؤورد محللی

بیریسی قییام رکوعودان ایره لی

بئله بویوروب دور عؤلما اهلی

سیندیر اوول رکعتی زییانی وار

……………………………..

بنانی دؤورد ائیله وئرگی نن سالام

اوندنا سورا بیر رکعت قیل با قییام

یا ایککی نیشسته دئدیگی کلام

ساییر عؤلمانین ناقیلانی وار

…………….

بورادا میرزانین رایی آیری دیر

بویوروب سیندیرمه برقراری دیر

نامازین قیلگی نن با قلب – حضور

اوندان علاوه ده اتپشیرانی وار

…………………………….

ایکینجیدیر بین – رکوع وسجود

دؤورد وبئشین شککی اگر رونمود

نامازی یی تامام ائیله با درود

بونوندا علاوه تاپشیرانی وار

……………………………….

اوچونجومحل دیر بعداز سجده لر

بو شک صلاتی یه ائیله مز ضرر

نامازی یی تامام ائیله سراسر

اوندان سورا ایککی سجده کانی وار

…………………………………

اگر شک ائده سن سه وپنجی ده

قییام ده سن قایید اولما رنجیده

حوکم دؤورد وچاهار اولوب سنجیده

بیله خطاب اولوب  نمایانی وار

…………………………………

سه وچهارو پنج حوکمونو سؤیله

اگر قییامدا سن بازگشت ائیله

بوردا بونون حوکمو اولوبدور بیله

حوکم – دو وسه و چاهارانی وار

……………………………….

اگر شک ائده سن پنجی نن شش ده

قییام دا سن قایید بعد- نیشسته

وئرگینن سالامی اولگی نن رسته

اونون چاهارسجده نمایانی وار

………………………………

ایککی سی واجیب دیر اؤنو بیلگی نن

ایککی ده احتییاط ایستر قیلگی نن

پنج وشش شک گیندن بری اولگی نن

بو محللین بیله بویورانی وار

…………………………..

شککییاتی عرض ائیله دیم سراسر

ایندی سهوییاتا ائیله رم گذر

بئش یئرده واجیب دیر بیزه سجده لر

دئییم هربیری نین نه مکانی وار

…………………………..

بیری شککییاتین آخیرینده دیر

مذکور اولدوهرکس بیلیر بنده دیر

بیریسی ده بیر سجده –ی مونده دیر

تانی ذکر اولوندو ثلثانی وار

…………………………

اوچونجو سؤیله مک خارج از کلام

دؤوردونجو وئرمک دیر بی محلا سالام

بئشینجی تشهد  قالو وار سالام

بو بئشین سجده – ی سهوییانی وار

……………………………….

سجده لرین  آدابینی  بیلگی نن

نییتی لازیمدیر حالی اولگی نن

ایککی یول باشی یی یئره قویگی نن

سجده لرین ذکر – غریبانی وار

…………………………………

ذیکرینی سؤیله ییم قیلمه خییالی

بسم الله و بالله اولگی نن حالی

صلل – علی محمد و وآلی

دوبارا محمد – .ص. خاتیمانی وار

…………………………..

سهوینده مکانین ائیله رم اظهار

تشهده سجده آرتیق اولور کار

علاوه سجده دن قضاسی ده وار

اونوندا عمله گه تیره نی وار

……………………………

اوندان سورا تشهد – خفییه

مؤمنه لازیمدیر اونودا بیله

مسائیلی بیلمز گورسه تین نئیه

ائیله سین نقده رسرخوشانی وار

………………………………

سهوی دئدیک گلدیک جهرواخفایه

آلتی رکعت جهد ائیله ییب اؤشایه

صبح دو مغرب دو از عشایه

اون بیر رکعت اونون خفیانی وار

………………………………..

جهد ائیله کلامی خلقه دی بیلسین

اخفا اؤدورکی آهسته قیلسین

هرکیمین نامازی بیله اولونسون

بنده لیگین دفترینده سانی وار

……………………………….

جهری نن اخفانین بیانی اولدو

یازیلدی تشخیصی عالمه دولدو

ایندی طمانئیه آرایا گلدی

دئییم اونون نئچه حکمتانی وار

……………………………….

بنده گرک حسابینی قایی را

یولا گله نه کی دوشه بایی را

طمانئیه رکن ایچینده آیی را

هر رکعت ده اونون شش مکانی وار

……………………………..

محللی سؤووشدودرنگ ائیلی یه

اونون محللی نین ذیکرین سؤیلی یه

عاقیل اولان کیشی بیلر نیلی یه

کم عاقیله دئمه گی نین طولانی وار

…………………………………..

مسائل دن آلدین قدری رمز وراز

عمل ائیله ینلر اولور سرفراز

بؤطلان – نامازین بیله نی دیر آز

بودونیادا چؤخ چؤخ حق بیلانی وار

……………………………..

بؤطلان – نامازین اون ایککی تانی

اوول بؤطلان – ووضونو تانی

بیرده خنده ائیله سن قهقانی

بیرده دونیا ایچون آغلایانی وار

…………………………………..

بیر یئمک بیر ایچمک بیریسی تکفیر

بیر خارج از کلام بیر فعل – کثیر

سؤیله مه ینی تانی سؤیله دیم بیربیر

بیرده اوز قبله دن دوندرانی وار

…………………………………..

دوققوزدا یاحی الصلاتی تانی

اوندا باطیل بیل سن آمین دییه نی

سنده مذهبینده اولگی نن قانی

میللت شیعه ده حمدیانی وار

………………………………..

اون بیر شک – رکعاتی بیلگی نن

اون ایککی ده رکنه حالی اولگی نن

زیاده ، کم ائتمه دوروست قیلگی نن

بولاری بیر بیردن آییرانی وار

…………………………………

کلامی نامازدان چیخارداق بیرون

طاهارات،نجاسات هربیری دیر اؤن

باشدان طاهاراتی دئییم سیز بیلون

آب و آتش خاک غلییانی وار

……………………………….

طاهاراتین بئشینجی سی آفتاب

استحاله، انتقال و اینقلاب

تابع – ایسلامی دوققوزدا حیساب

ائیله یه رم آخیر موسلمانی وار

……………………………..

ایندی نجاساتی ائتدیم ابتدا

مسح مییت ،مردار،غائط ،فقاع

بؤل وخوک خون وسگ- بی حیا

اونون آخیریندا بویورانی وار

……………………………..

اون بیرینجی عرق – جنب از حرام

اون ایکینجی شتر حلال لا کلام

بویوردو عالیملر بوتون خاص وعام

نیجاساتین هامی بو نیشانی وار

………………………………..

فروع – دین تانی صؤمونان صلاًٌت

خومسون وئر سییده فقیره زکات

بئشینجی حج گرک آلتینجی جهاد

امر – معروف نهی ازمنکرانی وار

……………………………….

ایسته دین نجیس و مطهراتی

 بیل سن نئچه جینسین واردیرزکاتی

جؤ و خورما مئویزین محصولاتی

سیم و زر وگا و و شوترانی وار

…………………………

خومسون طریقینه اولگی نن حالی

قویما جینسین گوره آینده سالی

بئش دن بیری اولور ساداتین مالی

نه قده رکی جینسی یین سالییانی وار

……………………………

قدری واجییباتدان دئییم ایختصار

تاکی قالسین بو جهاندا یادیگار

کاتب الحروفی یا پروردیگار

باغیشلا تقصیرین چؤخ عوصیانی وار

……………………………………..

بخش ماحالیمیش حقی مزله قان

کندلرینده معرقتلی نوجاوان

خلقی آری سخندان و نکته دان

معرفت اهلی دیر خوش مکانی وار

……………………………..

ایندی دئییم ووضوسیندیرنلری

اینسانی جاده دن دوندرنلری

تجدید – ووضویا گوندرنلری

بادو خواب و هوش – مستییانی وار

…………………………..

بیریسی عقل دیر چیخار از مکان

بؤل و غائط ، ایله یئتیرر زییان

بیریسی ده قالیب ائیله ییم بیان

اونون دا بیل آلتی تعریفانی وار

…………………………..

لیباس آرخاسیندا اگر بیر اولسون

آلتیندا کی لیباس موطهر اولسون

بیطاهیر نامازین بس ضرر اولسون

بنده لرین طاهیر لیباسانی وار

………………………………..

اوچونجی ستر – عؤرتین تانی

حق بگنمز عیبادت – عوریانی

آز اولورسه نه دیر اونون بیانی

بی حؤرمت لیک ایشه چؤخ یامانی وار

…………………………………

دؤوردونجو قیبله بیل کعبة الله نی

بئشینجی نامازین آدابین تانی

آلتینجی موشخخص ائیله مکانی

دوز اولماسا محللی عوصیانی وار

…………………………………….

 

ایندی یئتیشدی احکام واجیبات، و اون دؤورد معصوم علیه السلام

 غسل – جینابتی خبرآلانلار

جینابتین غسلی ایککی باب اولور

اوولی ترتیبی ، بعد ارتماسی

تیمم – بدل از غسل باب اولور

…………………………….

ارتماسی سویا غوطه ور اولماق

بله تحمیلیدیر نییتی بیلماق

کؤل – بدنی سو ایچینه سالماق

اعضاء لارین سودا بس نایاب اولور

………………………………

استنجاء استبرا مضمضه استنشاق

سوتوکوب باشی یا غوطه سارماق

اوچ اعضا لازیمدیر باش ،سول،ساق

هربیراعضا اوندان آیری قاب اولور

……………………………………

واجیبدیرکی غوسلین نییتین بیله

غوسلون نییتینی گه تیره دیله

غوسل – مییت اینن بس مییت اوله

سدرو کافورقراح هم اوچ باب اولور

………………………………

اوول سدر بعد کافور و قراح

آللاه غضب ایلن یئتیش سین پی راه

یتدی عؤضوو حنوط ایله جا به جا

هر بیریسی بیر بیر ارتکاب اولور

پیشانی دو،زانودو،پا و دو دست

چهارم روزنه ائیله مز قصد

مذهبیندن چیخما اولما بؤت پرست

جهنمده الؤو چؤخ بی تاب اولور

…………………………….

نفاسی غوسلی اولور حامیله یه جمع

چؤخو اون بیر ،آزی اوچ دن اولماز کم

حیض ده اون بیر اولماز آزی اوچ دن کم

استحاضه غوسلی هم اوچ باب اولور

………………………………………

قلیله ، متوسطه ، کثیره

بولاری بیلمه ین اولور حمیره

آدی گر بشر دیر اؤزو حمیره

آنلایانلار شخص – با حساب اولور

…………………………………

قلیله گر کی گلسین آری یه بو

لازیم اولور هر نامازا بیر ووضو

واجیبات یولوندا ائیله جستجو

بیلگی نن هربیری نئچه باب اولور

…………………………….

متوسطه نین کی بیر غوسلو وار

اهل – معرفته اولسون آشیکار

سحرنامازیندا اولور خلق بیدار

هر نامازا بیر دسناماز باب اولور

………………………………..

کثیره ده اولور اوچ غوسل – واجیب

هربیرینه دسناماز با مناسیب

صبح و ظهر و عصر وعشا و مغریب

ترتیب ایله بیر بیر ارتیکاب اولور

…………………………………

واجیبات می ییندن مست اولمایانلار

شش غوسلی تیمم ووضو استحاب

اون یتدی رکعت دیر رکن – قؤنتروس

صلواة بئش واختا اولوبدور خطاب

………………………………..

بعدازآن نبوؤت،ایمامت، معاد

اصول دین تانی معاد عدل داد

فروع دین شش دیر اوول صلاة

خومس،زکوة،حج،صؤم وجهاد دورتواب

………………………………..

مطهرات بئشین بکلی بیللم

ره لعنت گرک نیجاست بؤل هم

عقل حرفین استخراج ائیله هر دم

صفاتییه ، ثؤلبییه دن وئر جاواب

………………………………

مؤرکب کی دئییل اولا اجزادا

جسم دئییل تشبیه اولا بیر زادا

مرئی گورونمه یه دوستانا، یادا

لا شریک معانی محل – نایاب

……………………..

تیلیم دوست سن اربع عشر عملی

دؤورد محمد،بیر فاطمه،دؤورد علی

ایککی حسن حوسین بیر سنه ولی

ثم صادیق کاظم نایب المناب

قایناق: http://ozan2007.blogfa.com/

یک پاسخ to “ساوالی دده تیلیم خانین مذهبی شعرلریندن/ آشیق گونش(علی رمضانی)”

  1. سئودا Says:

    سلام دوست عزیز:Metexan.blogfa.comبه این وئب سری بزن و انتقاد کن؛ بلکه با انتقاد تو تلاش و تمرین بیشتری برای انسان زیستن شروع کردم. با مطالب و نوشته های خودتان دراین وئب یاری ام کنید سعید متین پور و افکار او را بیشتر به هموطنانمان بشناسانیم. سئودا – زنگان

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s


%d وب‌نوشت‌نویس این را دوست دارند: