زنگان 890130

آشیق قافار علسگر له باشلاییر. بو اوستادلارین رسمیدیر. سونرا تیلیمین «باشا چیخ» شعرینی اوخویور. سونرا اؤز شعرینی. اوزاق یولدان گلنلره قوناق سوفره سی آچیلیر. آرابالار بیجار یولوندا بیر باغا ساری یوللانیرلار. شؤلن باشلاماقدادیر. آشیق موسلوم خوش گلدین دئییر.  آشیق قافار لا باشلانیر موسیقی. آشیق دهقان آی اولدوزلو سازیییلا مجلیسی ایشیقلاندیریر.  سیرا آشیق مسیح الله دا. آشیق اوستادلاردان ایجازه ایسته ییر. بیز نمه ییک سیز نمه نه دئییر آشیق مسیح الله. یوخ بیز بیزیک دئییرم من. اوستاد، تیلیم دن بیر «بئش کلمه» اوخویور. منده حکیمین اوجاغیندان و گونئیین گونئییندن دانیشدیم. سیامک فیلم چکیر آنجاق. سوندا آشیق نادر رنجبر اؤزو دئمیشکن ساوانین بایراغینی قالدیردی. زنگان باشقا یبیر گئجه نی گئچیردی. حکیم تیلیم خانین بیر شعرینی بوتون اوستاد آشیقلارا تقدیم ائدیرم: 

باشا چيخ

 

başa çıx

قيش گوٍنونده وارد اولدون بيرداغا

qiş günündə varid oldun bir dağa

گوٍن باتيبدير آياق گؤتور باشا چيخ

gün batıbdır ayaq götür başa çıx

کيمسه­اينن ائيله­دين سن بير دوستلوق

kimsə inən eylədin sən bir dostluq

ائيله گئد گل او دوستلوغو باشا چيخ

eylə ged gəl o dostluğu başa çıx

 

 

اووچو اولان وارار گئدر بو داغا

ovçu olan varar gedər bu dağa

باخ سينه­مده بو دوٍگونه بو داغا

bax sinəmdə bu düyünə bu dağa

شاختا وورسا گوٍل تؤکولر بوداغا

Şaxta vursa gül tökülər bu dağa

بولبول اوچار گوٍلده قالار باش آچيخ

bülbül uçar güldə qalar baş açıx

 

 

من قوربانام يارين شيرين ديلينه

mən qurbanam yarın şirin dilinə

مينا کمر خوب ياراشير بئلينه

mina kəmər xub yaraşır belinə

قيش گوٍنونده گئدمه نامرد ائلينه

qiş günündə gedmə namrd elinə

نامرد قووار آياق يالين باش آچيخ

namərd qovar ayaq yalın baş açıx

 

 

من قوربانام يارين قارا قاشينا

Mən qurbanam yarın qara qaşına

فلک آغي قاتسين رقيب آشينا

fələk ağı qatsın rəqib aşına

بگ اودور کي ائلين ييغا باشينا

bəy odur ki elin yiğa başına

ائل داغيلسا بگ ده قالار باش آچيخ

el dağılsa bəy də qalar baş açıx

 

 

تيليم دييه­ر سن کي مني آغلاتدين

tilim diyər sən ki məni ağlatdın

کاباب باغريم شيشه چکيب داغلاتدين

kabab bağrım şişə çəkib dağlatdın

دوست يانيندا آچيق اليم باغلاتدين

dost yanında açıq əlim bağlatdın

باري خودام سن بونوينان باشا چيخ

barı xudam sən bunuynan başa çıx

2 پاسخ to “زنگان 890130”

  1. آيدين ك Says:

    سلام، تاپديم بوراني! يازينيز دا چوخ ياخشي ايدي
    من ده آشيقلار بايرامينا گؤره بير سؤزلر يازميشام

  2. الیاس Says:

    ما مخلص شماییم

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s


%d وب‌نوشت‌نویس این را دوست دارند: